HATAW! D'yaryo ng Bayan hatawtabloid.com
ni James Ty III
NAKITA namin sa isang bagong restaurant sa Makati ang magkapatid na Michelle at Ehra Madrigal na nag-e-enjoy sa kanilang bonding. Kinumusta namin si Ehra sa kanyang showbiz career at sinabi niya na wala pa siyang bagong project ngayon pagkatapos na gumawa ng ilang shows sa TV5.
Kabaligtaran naman ang kaso ni Michelle na kahit paano’y may trabaho pa rin sa GMA 7 bilang kontrabida sa mga teleserye.
Napansin naming tumaba si Ehra nang husto ‘di tulad noong panahong sikat siya bilang cover girl ng isang men’s magazine.
Parehong blooming ang lovelife ng magkapatid dahil steady pa rin ang relasyon ni Ehra sa kanyang BF na si MykeSalomon, isang DJ at stage actor samantalang ang basketbolistang si Chris Ross ay date ngayon ni Michelle.
