HATAW! D'yaryo ng Bayan hatawtabloid.com
ni Reggee Bonoan
PANALO ang exposure ng Artista Academy Teen Heartthrob na si Mark Neumann sa Studio5 Original Movies na may titulong Lady Next Door dahil siya ang lover boy ni Alice Dixson na nakilala niya sa isang beach resort.
Sa ginanap na press preview ng Studio 5 Original Movies sa Alimall Cinema 1 noong MiyerkOles ng gabi ay May-December affair ang kuwento ng Lady Next Door.
Hindi na bago ang istorya na tungkol sa binatilyong lalaki (Mark) na nagkagusto sa isang magandang babae (Alice) na halos kasing-edad ng nanay niya na may problema sa asawa.
At dahil malungkot si Alice kaya nagawang pumatol ng isang gabi kay Mark na nagayuma yata kaya hayun, walang ginawa kundi kulitin NAng kulitin hanggang makatunog ang asawang siJestoni Alarcon at nagkaroon ng gulo.
Sa pagpatol ni Alice kay Mark, pakiwari ng binatilyo ay may gusto sa kanya ang babaeng sing edad ng nanay niya kaya ipinaglalaban ang pag-ibig niya maski alam na may asawa ito.
Isa kami sa natutuwa kay Mark dahil marunong na siyang umarte kompara rati at bumagay naman sila ni Alice dahil pareho silang Inglesero’t Inglesera.
Sana pag-aralang mabuti ni Mark ang pananalita niya ng Tagalog para hindi na siya mahirapang magsalita.
Gusto naming sumikat nang husto si Mark dahil mabait na bata, magalang at higit sa lahat marunong makatanda maski saan mo masalubong lalo na sa malls bagay na hindi natutuhan ng ibang sikat na artista ngayon.
Samantala ang Lady Next Door ay mapapanood na sa Pebrero 4, Martes mula Studio 5 Original Movies.
