Kris, effective na endorser (Lumalakas ang mga restoring itinatampok)

ni  Reggee Bonoan

NAALIW naman kami sa kuwentuhang narinig mula sa mga nanggaling ng Dubai na ginanap ang ASAP at taping ng Kris RealiTV ni Kris Aquino dahil super sikat pala ang headwriter/blogger na si Darla Sauler.

Yes ateng Maricris, nagtatawanan ang ilang taga-Dos nang pagkuwentuhan nila ang kasikatan ni Darla dahil sa rami ng nagpapa-picture at talagang sinusundan daw siya maski saan magpunta para magpapirma at magpa-picture.

Tinanong nga agad namin kung kasama ba ni Darla si Kris dahil ano kaya ang naging reaksiyon ng TV host na pinagkakaguluhan na ang kanyang headwriter sa Kris RealiTV?

“Okay lang naman kay Kris, kasi marami ring nagpapa-picture sa kanya, kaya lang hindi mo ini-expect na pati si Darla ay dudumugin, nakakatawa lang,” say sa amin ng taga-Dos.

Eh, paanong hindi sisikat si Darla, bukambibig ni Kris sa programa niya ang pangalan ng headwriter cum assistant niya at take note, nakukunan pa sa TV camera si Ms. Sauler kaya paanong hindi siya makikilala sa ibang bansa.

At halos lahat ng biyahe ni Kris ay ka-join si Darla na naka-post sa Instagram ng TV host na maraming followers bukod pa sa ibang social media account nito.

Sabi naman ng kausap namin, “in fairness, lahat ng nakadikit kay Kris, sumisikat at lahat ng napi-feature na restaurant sa ‘Kris TV’, sumisikat, lumaki ang sales.

“Ibang klase mag-promote ang lola mo, maski na maraming nagne-nega, marami siyang followings,” paliwanag sa amin.
Reggee Bonoan