HATAW! D'yaryo ng Bayan hatawtabloid.com
LAGING sinasabi ni Robin Padilla na mas malawak ang popularity ni Daniel Padilla kaysa pagiging action superstar niya. Worldwide at sikat na sikat na ang pamangkin niya na kasama ngayon sa pelikulang Sa Ngalan ng Ama, ng Ina at ng mga Anak na showing sa January 29.
“Tuwing sinasabi po ‘yon ni Tito Robin, talagang nasisindak ako at lagi po akong napapaisip na, ‘Goddammit!’ Heavy!! Mabigat, a! Pero talagang pinipilit ko po at pinagtatrabahuhan. Ginagampanan ko po talaga. Ginagalingan ko lahat ng bagay na kailangan kong gawin sa ginagawa ko po ngayong teleserye. Kahit sinasabi na mga pa-cute- lang ako roon, eh hindi po ‘yon totoo.
“Mahirap po ‘yung ginagawa naming teleserye. Kailangan lang po na magpakilig ng mga tao. Kasi, madalas pong nasasabi sa akin na puro pa-cute lang po ‘yung ginagawa ko sa teleserye namin. Mahirap po ‘yon. Lahat po ‘yon. Pati po ‘yung mga pagkanta-kanta ko, kasali po ‘yan. Kasi syempre, everytime na magku-concert o magsu-show po ako, eh lagi nilang tinitingnan kung marami bang tao, ganyan-ganyan. Lahat po ng galaw ko ngayon, pinapansin.
“So, mahirap po ‘yung lagay na ganoon na magkamali ka lang ng kaunti, ang laking bagay. So, ginagawa ko po ‘yung best effort ko para magampanan lahat ng sinasabi sa akin ng mga tao,” deklara niya. (ROLDAN CASTRO)
