HATAW! D'yaryo ng Bayan hatawtabloid.com
GRABE ang tao sa live episode ng social media music show na SpinNation na hino-host ni Jasmine Curtis Smith sa TV5 noong Sabado dahil guest nila ang Malditas Pinoy Football Team na female counterpart ngAzkals Football Team.
Sabi nga ng lahat, tinapatan ng Malditas ng kagandahan ang mga naguguwapuhang players ng Azkals at higit sa lahat, hindi lang pang-football ang naggagandahang dilag na ito dahil marunong din silang kumanta, katunayan ay singer pala ang isa sa miyembro nilang si Stephanie Danz na taga-PolyEast records.
At dahil girly-girly ang imahe ng Maldita ay nag-iiba sila pagdating sa field dahil wala silang sinasanto. Katunayan, sila ang representative ng Pilipinas sa nakaraang 2013 SEA Games.
Anyway, dalawang beses nag-trending ang SpinNation noong Sabado dahil sa sangkaterbang guests nila na pawang sikat sa Facebook at Twitter o masasabing maraming followers sa social media kasama na ang dating Pinoy Dream Academy scholar na si Davey Langit na taga-Baguio City.
Samantala, naikuwento ni Jasmin sa staff ng SpinNation na pinuri at sinabing maganda raw ang show nila nang makasalubong niya si TV5 Chairman at Chief Executive Officer, Manny V. Pangilinan sa isang event.
In fairness, kumikita ang SpinNation at isa ito sa nag-aakyat ng pera sa TV5.
Reggee Bonoan
