Joy, na-depress dahil iniwan na ng mga alaga

NAKALULUNGKOT   isipin, na depress   ngayon si Joy Cancio dahil isa-isang umaalis sa poder niya ang mga alagang Sexbomb Girls.

Masakit nga namang matapos mong i-build up, isa-isang tumitiwalag. Well, dapat tandaan, talagang ganyan ang buhay-showbiz. Hindi uso ang pagtanaw ng utang na loob, puro personal interest lang.

Kung sabagay if God close the door, He opens the window. At saka may iba namang suwerteng darating sa isang taong katulad niyang mabait.

Noong namamayagpag si Joy, lahat ay binibigyan n’ya ng envelope sa  mga presscon niya, kesehodang  gaka (gate crashers) katwiran niya, sa dyaryo rin naman ito sumusulat at hindi sa pader o tela.

Minsan, hindi rin maganda ‘yung sobrang mabait sa kapwa. May tendency na lokohin ka sa ending.

Mga pumupuri kay Willie, isa-isa nang nawawala

DATI, bukambibig ang pangalan ni Willie Revillame. Palagi na lang nagkakagulo ang mga taong gustong maambunan n’ya ng suwerte sa kanyang show, ang Wowowillie!

Lahat ay pumupuri sa actor/TV host na kesyo pogi raw, mabait, at madaling lapitan. But now, noong mawala sa  ere ang show, nawala rin isa-isa ang mga dating pumupuri.

Ganyan sa showbiz, pagkakaguluhan ka kapag  may mapapala sa ‘yo.

Well, ano pa ba ang bago sa mundong ito? Kaya nga black and white, walang forever.

Michael V., solo na ang pagiging comedy king sa GMA

MASUWERTE si Michael V. siya na ang comedy king sa GMA matapos mawala si Ogie Alcasid.

Putok na putok ngayon ang kanyang Bubble Gang.

Teka, ano na nga ba ang nangyari sa promise ng TV5 na shows kay Ogie? Bakit wala pa? Pati ‘yung tambalan nina Nora Aunor at Tirso Cruz III. Parang bitin na bitin kung matutuloy o hindi.

Vir Gonzales