Gov. ER at KC, naaksidente sa Boy Golden

SUMUPORTA at nanood ang Megastar na si Sharon Cuneta  at si dating Senator Kiko Pangilinansa premiere night ng Boy Golden na MMFF entry nina Gov. ER Ejercito at KC Concepcion.

Halos lahat ng mga nakapanood ng pelikula ay pumupuri sa galing ni KC. Marami ang humuhula na posibleng magka-award ito.

“Alam n’yo po, para lang maihilera ng ganoon, pinanonood ko lang si Tita Eugene (Domingo, bida ng ‘Kimmy Dora 3’ na mahigpit niyang makakalaban for Best Actress category).

“I never expected din naman ‘yung ganoon, kasi sanay ako sa Female Star of the Night (na special award)! Ha! Ha! Ha!,” reaksiyon lang ni KC.

Kahit si Mega ay proud sa kanyang anak.

“Siyempre naninibago ako, baby ko iyan, eh. Pero sabi ko deep breathing lang. It’s a beautiful movie. It’s a great movie,” bulalas ni Sharon sa isang panayam na nagulat din siya sa mga fight scene ni KC.

Ikinokonsidera ni KC na pinakamahirap ang project na ito sa lahat ng kanyang ginawa.

“May 38-hour fight scene shooting days kami. Physically, ito ang pinakamahirap na nagawa ko,” sey ni KC.

Nagkaroon din ng minor car accident si KC at si Gov ER noong i-shoot ang Boy Golden dahil vintage cars ang gamit nila. Medyo napalakas ang kapit ng preno ng vintage car at nabugbog ang tuhod niya. Nag-fold ‘yung upuan niya, nag-forward at‘yung isang cameraman ay napalakas din ang pagsubsob.

Walang love scene sina Gov. ER at KC Concepcion sa Boy Golden pero may kissing scene.

Talbog!

(ROLDAN CASTRO)