Sharon, sobrang hinangaan ang anak sa Boy Golden

BASE sa pahayag ni Sharon Cuneta matapos mapanood ang anak na si KC Concepcion sa pelikulang Shoot-To-Kill Boy Golden noong premiere night sa MOA, tropeo na lang ang kulang para masabing certified best actress na ang anak ni Mega.

Aniya, ayaw niyang pag-isipang nagbubuhat siya ng sariling bangko pero bilang isang ina ay sobra ang pagiging proud nito nang mapanood ang improvement ng anak sa craft nito.  As in, kitang-kita nito ang pag-level up ng kanyang anak bilang aktres.

“Siyempre, I dont want to sound bias dahil anak ko siya pero I am an actress also. Parang na-elevate ng kaunti in my eyes. I guess, it runs in the blood both sides, siyempre kung ano ang ipinakain,” pahayag nito.

Inamin ng Megastar na hangang-hanga siya sa fighting routine ng anak na talagang nagmukhang action star sa pakikipagsuntukan at sipaan, Regular pala ang pagte-train nito ng martial arts in-between breaks ng shooting kaya naman ganoon lumabas na magaling siya. Ang balita, inabot ng apat na araw ang pagsu-shoot ng mahabang fighting routine ni KC laban sa totoong lady expert ng martial art. Hindi naman nagkamali si Direk Chito Rono dahil lumabas na very realistic ang fight scene.

Aniya, kakaibang KC ang mapapanood dito, kung pasosi-sosy siya sa mga naunang pelikula and more on pa-pretty-pretty girl, she has transformed into a matured actress, suddenly, maraming nagsabing she is an overnight actress.

Kung hinangaan si KC sa kanyang performance, marami namang nabigla sa pagiging palaban nito sa mga eksenang halikan nila ni Gov ER Ejercito. But infairness, let’s give the credit to Direk Chito dahil nagawa nitong disente ang halikan ng dalawa. Walang kalaswaang maiisip habang pinanonood ang mga eksena.

Alex Datu