HATAW! D'yaryo ng Bayan hatawtabloid.com
NAIMBITAHAN kami sa block screening ng Girl, Boy, Bakla, Tomboy noong Pasko sa Trinoma.
Talagang bongga ang movie at lahat ng screening ay sold out. Ang daming fans at ang haba ng pila sa movie ni Vice Ganda. We were with our friends Eddie Littlefield, Alwin Ignacio and Arnel Ramos.
Maraming kuwelang eksena si Vice pero nagmarka siya bilang Girlie, ang girl na anak nina Maricel Soriano at Joey Marquez na may American twang dahil lumaki sa US. Kakaloka ang kulangot joke niya, lahat napatawa.
Todo effort si Vice bilang girl, boy, bakla, tomboy kaya naman marami ang nagsasabing baka maiuwi niya ang best actor trophy.
Sa movie ay natupad ni Vice ang dream niyang masampal ni Maricel sa movie at tiyak na natulig siya sa lakas ng sampal ng Diamond Queen. Maging si Joey, sa isang eksena ay nasampal din ng pagkalakas-lakas ni Maricel.
Bago kami pumasok ay naka-P30-M na ang Girl, Boy, Bakla, Tomboy as of 5:00 p.m. at naka-P47-M ito sa buong araw ng Pasko. Tinalbugan daw nito ang movie nina Kris Aquino, Vic Sotto, Bimby, at Ryzza Mae Dizon.
Alex Brosas
