HATAW! D'yaryo ng Bayan hatawtabloid.com
NASA P10-milyon ari-arian ang naabo sa halos anim na oras na sunog sa 3rd floor sa Robinsons Galleria, Ortigas Avenue, Pasig City kamakalawa ng gabi.
Ayon kay Fire Marshall Supt. Jesus Fernandez, isang empleyado ng mall na si Sammy Guiam, ang unang nakakita ng makapal na usok at nagliyab ang ikatlong palapag na imbakan ng mga laruan.
Hirap ang mga bom-bero na maapula ang malakas na apoy dahil sa sobrang kapal ng usok na ideneklarang 3rd alarm dakong 11:00 ng gabi na kinailangan pang gamitan ng breathing apparatus.
Dakong 2:25 ng mada-ling araw nang itaas sa ika-5 alarma ang sunog na nasa bahagi ng kisame sa pagitan ng ikatlo at ika-apat na palapag at inirekomenda na ilikas ang mga naka-check in sa kalapit na Holiday Inn hotel dahil nakapasok na ang usok doon.
Ganap na 5:47 ng umaga nang ideklarang fire out at walang naiulat na nasugatan o namatay. Naniniwala ang mga bombero na sa kisame nagsimula ang apoy.
Dahil dito, ideneklara ng management na sarado ang mall ngayong araw para bigyan daan ang clean-up operations.
(ED MORENO)
