Wednesday , July 30 2025

DAP muling ipinagtanggol ni PNoy (Sa 10-minutong mini-SONA)

“Hindi kami nagnakaw, at hindi kami magnanakaw; kami ang umuusig sa magnanakaw.”

Ito ang inihayag ni Pangulong Benigno Aquino III sa kanyang sampung minutong President’s Address to theNation  kagabi ni Pangulong Benigno Aquino III bilang buwelta sa kaliwa’t kanang pagbatikos sa kanyang administrasyon bunsod ng Disbursement Acceleration Program (DAP).

Tinukoy ni Pangulong Aquino ang mga sangkot sa pork barrel scam, partikular ang isang matandang politiko, bilang pasimuno sa panggugulo sa sitwasyon upang ilayo ang isyu palayo sa kanilang paglulustay sap era ng bayan.

“Sa sobrang hirap nga pong ipaliwanag, tila sinunod na lamang nila ang payo ng isang matandang pulitiko sa kanilang kampo: Kung hindi mo kayang ipaliwanag, palabuin mo na lang lahat; kung hindi mo kayang bumango, pabahuin mo na lang lahat; kung hindi mo kayang gumuwapo, papangitin mo na lang lahat. Narinig naman ninyo ang hirit nila: Pare-pareho lang naman daw kaming lahat,” wika pa ng Pangulo.

Binigyang diin niya na walang masama sa mekanismong DAP dahil nakakatulong ito upang pablisin ang implementasyon ng proyekto ng pamahalaan habang ang President’s Social Fund, calamity fund at contingency fund ay pinagkukunan ng pondo para sa mga kagyat na pangangailangan tulad ng kalamidad at mga naulila ng mga nasawing pulis at sundalo sa larangan, kaya hindi makatuwirang tawagin siyang “Pork Barrel King.”

“Ito po ang masasabi ko sa kanila: Kung sa tingin ninyo, titigil ako sa pag-usig; kung sa tingin ninyo, maililihis ninyo ang atensyon ng publiko; kung sa tingin ninyo, makakatakas kayo sa pagnanakaw; nagkakamali kayo ng tantya sa akin, at sa taumbayang Pilipino. Baka naman po may natitira pang kabaitan sa inyo. Sana po, gumawa na kayo ng kilos para naman sa kapwa ninyo, at hindi lang para sa sarili,” sabi pa niya.

(ROSE NOVENARIO)

Krystall Herbal Products and FGO Branches

About hataw tabloid

Check Also

DigiPlus BingoPlus Foundation DSWD

DigiPlus, BingoPlus Foundation deepen commitment to crisis relief, supports DSWD’s new satellite center

DigiPlus Interactive Corp., through its social development arm BingoPlus Foundation, has once again extended support …

Chel Diokno BBM Bongbong Marcos

Review ng flood control hindi sapat ‘corruption control’ kailangan – solon

ni GERRY BALDO HABANG pinapalakpakan ng mga kongresista ang banta ni Pangulong Ferdinand Marcos, Jr., …

Martin Romualdez Salvador Pleyto

House Speaker Martin Romualdez nanumpa kay Bulacan Rep. Salvador Pleyto

LIHIS sa tradisyon ng Kamara de Representantes na pinanunumpa ang bagong halal na House Speaker …

Padel Pilipinas

Ulat ng mga nagawa ng Padel Pilipinas

SA NAGANAP na General Assembly ng Philippine Olympic Committee (POC) kahapon, buong pagmamalaking inilahad ng …

SSS

SSS maglalabas ng binagong Calamity Loan Program (CLP) guidelines; pagbaba ng interest rate sa 7%, pinapayagan ang renewal pagkatapos ng anim na buwan, pinasimple ang proseso ng pag-activate para sa napapanahong tulong pinansiyal

INIANUNSIYO ng Social Security System (SSS) na maglalabas sila ng revised Calamity Loan Program (CLP) …

Leave a Reply

Your email address will not be published. Required fields are marked *