HATAW! D'yaryo ng Bayan hatawtabloid.com
SA ikatlong pagkakataon ay itinaas ng reperi ang kamay ni Timothy Bradley sa pamamagitan ng kontrobersiyal na split decision.
Muli, naging kuwestiyunable ang inirehistrong panalo ni Bradley laban naman kay Marquez na nagyari kahapon sa Thomas and Mack Center.
Sa post fight inverview, naniniwala si Marquez na lamang siya ng puntos laban sa Kanong si Bradley. Hangad niya ang isang rematch para patunayan na nanalo siya sa kontrobersiyal na boksingero.
Matatandaan na naging isang malaking kontrobersiya ang naging panalo ni Bradley kay Pinoy boxer Manny Pacquiao noong nakaraang taon. Halos lahat ng boxing experts ay ibinigay kay Pacman ang panalo pero sa aktuwal na pagbasa ng verdict ng laban ay itinaas ang kamay ni Bradley via split decision.
Kontra kay Provodnikov, ganoon din ang kinalabasan ng laban na nagwagi si Bradley sa pamamagitan ng split decision gayong inaakala ng mga nakasaksing miron na nanalo si Provodnikov sa dami ng malilinaw nitong suntok.
Hindi pa malinaw kung magkakaroon ng rematch ang dalawang boksingero. Mananatiling nakaantabay ang lahat maging si Bob Arum ng Top Rank promotions sa kalalabasan ng laban ni Manny Pacquiao at Brandon Rios sa Nobyembre.
Kung mananalo si Pacquiao kay Rios, magkakaroon ng posibilidad na maganap ang hamon ni Pacman kay Bradley o kay Marquez sa isang rematch.
HATAW News Team
