HATAW! D'yaryo ng Bayan hatawtabloid.com
Ihahatid ng ABS-CBN Sports live mula sa SM Mall of Asia Area ang inaabangang banggaan sa hardcourt ng De La Salle University (DLSU) Green Archers at ng University of Santo Tomas (UST) Growling Tigers ngayong Sabado (Oct 12) kung saan makikilala na ang hihiranging kampeon para sa Senior Men’s Basketball Division ng UAAP Season 76 na mapapanood ang laban live sa ABS-CBN at sa Balls HD sa ganap na 3 PM.
Tabla na ang koponan ng DLSU at UST sa 1-1 sa kanilang best of 3 championship series matapos masungkit ng La Salle ang panalo sa Game 2 kamakailan. Makasaysayan na maituturing ang laban sa darating na Sabado dahil ito ang unang pagkakataon, pagkatapos ng 14 taon, na magtutuos ang dalawa sa finals. Huling nagsagupaan sa isang UAAP Finals Game 3 ang DLSU at ang UST noong 1999 kung saan nagwagi ang Green Archers.
Pitong kampeonato na ang pinanghahawakan ng DLSU sa Senior Men’s Basketball Division habang ang UST naman ay may 18. Kapag nanalo ang UST ngayong season ay tatabla na rin ito sa Far Eastern University (FEU) na siyang may hawak ng pinakamaraming titulo sa UAAP Senior Men’s Basketball.
Ang UST na kaya ang pinakaunang 4th seeded team sa kasaysayan ng UAAP na magwawagi sa kampeonato o matikman na kayang muli ng La Salle ang tagumpay ng pagiging kampeon na huli nilang nalasap noon pang 2007?
Huwag palalampasin ang Game 3 ng UAAP Season 76: Men’s Basketball Finals live ngayong Sabado (Oct 12), 3 PM sa ABS-CBN at Balls HD (Skycable Ch 167). Tunghayan din ang laban via livestream sa http://uaaplivestream.studio23.tv o sa http://iwanttv.com.ph pati na rin sa radio via DZMM Radyo Patrol 630. Panoorin ang replay sa parehong araw sa ganap na 9:30 PM sa Studio 23 at 10:30 PM naman sa Balls (Skycable Ch 34 o Destiny Cable Ch 36).
