HATAW! D'yaryo ng Bayan hatawtabloid.com
MAY posibilidad na magharap si Filipina cue artist Rubilen “Bingkay” Amit at World Champion Ga Young Kim ng Korea sa Women’s World 10-Ball championship.
Subalit pagkatapos ng nasabing kompetisyon ay magiging magkakampi naman sila sa JBET.com Queens Cup na sasargohin sa Nobyembre 5 hanggang 7 na gaganapin sa Resorts World Manila.
Kampihan ang laban kung saan ay showdown ito ng mga matitikas na babaeng tumbukera na galing sa iba’t-ibang parte ng mundo.
Makakasama nina Kim at Amit si World 10-Ball silver medallist Tsai Pei Chen ng Taiwan habang sa makakalaban nilang West Team ay sina world champions Jasmin Ouschan ng Austria, Vivian Villareal ng US at captain Kelly Fisher ng England.
Si Kim naman ang team captain sa Asia Team.
May tig-isa pang miyembro sa East at West ang hindi pa naihahayag.
Ang OB Cues ang official cue ng JBET.com Queens Cup na co-sponsored ng Dragon Promotions.
Ang western counterparts ng mga East team ay galing sa Europe at US.
Ang unang makaka-10 panalo ang magkakampeon sa event na ipatutupad ang 10-Ball format
May larong singles, doubles, triples at 4-on-4 at kung sakaling umabot sa 9 to 9 hill-hill ay magkakaroon ng 4-on-4 play para malaman kung sino ang magkakampeon.
(ARABELA PRINCESS DAWA
