Hagdang Bato pinapaboran Kontra Crusis ng mga karerista

Gumawa ng survey ang Kontra-Tiempo sa mga karerista upang tanungin kung kanino sila tataya sa oras na maglaban ang dalawang kampeon.

Sa 10 tinanong ng inyong lingkod 7 ang pumapabor kay Hagdang Bato kontra Crusis.

Nanawagan muli ang karerista sa dalawang may-ri ng dalawang kampeon na sina Mandaluyong City Mayor Benhur Abalos nagmamay-ari kay Hagdang Bato at Marlon Cunanan ng Crusis na pagharapin ang dalawang kampeon.

Panahon na upang makilala ang horse racing sa bansa bilang isang sport na gaya ng boksing na talamak din ang pustahan.

Sa survey na isinagawa ng Kontra-Tiempo sa  mga mananaya sa Ping Ping Off Track Betting station ni Chairman William “Maca” Chua sa A. Bonifacio Brgy., Paang Bundok, Quezon  City, nagpahayag ang mga karamihan sa mga karerista na lalagay pa rin sila kay Hagdang Bato kung makakatapat nito ang Crusis sa isang karera.

Naniniwala sila na wala pang tatalo kay Hagdang Bato ang itinuturing na kampeon sa hanay ng local runner.

Nagpahayag din ng suporta si Chairman Chua sa Hagdang Bato VS Crusis na siyang mag-aangat  sa industriya ng karera sa bansa.

Sa darating na mga araw ay magsasagawa naman ang inyong lingkod ng survey sa iba pang  OTB sa Metro Manila.

***

Paging Ambo Albano, iligtas ang kabataan sa salot na video karera

Tinatawagan ko si General Ambo Albano, ng Central Police District na iligtas naman ninyo angf mga kabataan sa salot na video karera na patagong pinatatakbo ng mga walanghiyang gambling lord.

Bukod sa talamak na video karera nariyan din ang bookies ng karera na ang napeperwesyo ay ang buwis ng pamahalaan.

Ni andy yabot