Bersamina, Osena wagi sa 1st leg (Nat’l Youth Chess)

MANILA – NAGKAMPEON sina Fide Master Paulo Bersamina at Alexis Anne Osena sa Boys Under-15 at Girls Under-15 habang nagpakitang gilas naman sina Justine Diego Mordido at Maria Elayza Villa sa Boys Under 9 at Girls Under 9 categories, ayon sa pagkakasunod sa katatapos na 2013 National Youth Chess Championships Standard Competition-First leg nitong  Linggo na ginanap dito sa Philippine Sports Commission Conference Room, Administration Bldg., Vito Cruz, Manila.

Namayagpag din sa kani-kanilang kategorya sina John Marvin Miciano (B-U13), Stephen Rome Pangilinan (B-U11), Shannon Mark Daniel Aguimbag (B-U10), Basil Joshua Apalla B-U8), Rizalyn Jasmine Tejada (G-U13), Shanaia Marie Aquino (G-U11),  at Precious Louise Oncita (G-U7).

Ang 3-day event ay inorganisa ng National Chess Federation of the Philippines (NCFP) sa pakikipagtulungan ng Philippine Sports Commission at ng Philippine Olympic Committee.

(Lovely Icao)