HATAW! D'yaryo ng Bayan hatawtabloid.com
KINAON NI ALING PATRING ANG MAG-INA NI MARIO PERO NATUNUGAN ITO NI PUNGGOK … ANG TSUTSU NI SARGE
Napatitig si Mario sa matandang babae. Tingin niya, pwede siyang matulungan nito sa piniproblemang pakikipagkomunikasyon kay Delia. Idiniga niya kung pa’no ito magisisilbing tulay nilang mag-asawa.
“Kung pwede lang po, pakisundo sana n’yo ang mag-ina ko. Dito n’yo sila dalhin … Kung pwede lang po.”
Sinang-ayunan agad siya ni Aling Patring.
“’Alang problema… ‘Yun lang pala, e,” anito sa pagpisil sa kanyang braso.
Tulad nang napagkasunduan, ang mag-ina ni Mario ay kinaon nga ni Aling Patring sa kanilang tirahan. Karga ang anak na si Dondie, sagsag na si Delia sa paglalakad, kabuntot ng matandang babae na batak ang mga binti sa maghapong pagtitinda ng basahan sa kalye.
Ngunit nakamanman pala sa mga galaw at kilos ni Delia ang tsutsu ni Sarge, si Punggok. Ang kabataang lalaki na utus-utusan sa opisina ni Kernel Bantog. Sa kabila ng nakababa-nas na init ng panahon ay palagi itong naka-jacket .May suot pa ngayong itim na sunglasses. At sa pagkakataong ‘yun ay may tangan pang two-way radio.
“Nakamonitor ako, Sir. Paalis na ‘yung subject (ang tinutukoy ay si Delia) kasama ang anak at isang matandang babae,” ang ini-report ng kabataang lalaki sa grupo ni Sarge.
“Okey, copy.‘Punta na kami d’yan sa erya mo.” (Subaybayan bukas)
Rey Atalia
