Thursday , March 13 2025

Rojas naghain ng irrevocable resignation ( Sa bintang ni PNoy na may ‘ahas’ sa NBI )

NAGSUMITE si National Bureau of Investigation (NBI) chief Nonnatus Rojas ng kanyang irrevocable resignation kay Pangulong Benigno Aquino III, pahayag ni Justice Secretary Leila de Lima kahapon.

Ayon kay De Lima, ang pagbibitiw ni Rojas ay kaugnay ng ulat na sinabi ng Pangulo na mayroong “less than trustworthy” at “ahas” sa mga opisyal at ahente sa NBI.

Gayonman, inihayag ni De Lima na irerekomenda niya sa Pangulo na huwag tanggapin ang pagbibitiw ni Rojas.

“It goes to show that he is very principled. It goes to show that he has delicadeza na kahit alam niya at in-explain ko na na hindi ikaw ang tinutukoy ng Pangulo … Definitely he has my trust and confidence and I will say that the President has trust and confidence in him,” ayon kay De Lima.

Kaugnay nito, iniutos ng Pangulo na imbestigahan ang dalawang opisyal ng NBI na sinasabing nag-tip kay Janet Lim-Napoles na siya ay aarestohin, inihayag ni NBI Director Rojas kahapon.

“Transparent kami at kung ano man ang kahihinatnan ng imbestigasyon, kung talaga ngang mayroong ginawang pagkakamali ang dalawang opisyal namin, ay tatanggapin namin at papatawan ng kaukulang parusa kung kinakailangan,” ani Rojas.

Unang inihayag ni Aquino na mayroong “less trustworthy” na mga opisyal sa ahensya. Binanggit din niyang may dalawang opisyal na mayroong ugnayan sa mga senador na sangkot sa pork barrel scam ng pekeng NGOs na pinamumunuan ni Napoles.

Ayon kay Rojas, makikipag-ugnayan siya sa Department of Justice, ngunit hindi siya sigurado kung anong ahensya ng gobyerno ang magsasagawa ng imbestigasyon kaugnay sa nasabing dalawang opisyal ng NBI.

(BETH JULIAN/LEONARD BASILIO)

About hataw tabloid

Check Also

ArenaPlus PBA Feat

ArenaPlus presents PBA 49th Season Commissioner’s Cup Finals presscon

ArenaPlus, PBA concluding the 49th Season Commissioner’s Cup Finals press conference with a group photo. …

ABP Party List FDNY MOVEMENT Goitia

Dr. Jose Antonio “Ka  Pep” Goitia, nagpakita ng pagmamahal sa bayan!
ANG BUMBERO NG PILIPINAS (ABP) Party List, FDNY MOVEMENT NANGUNA SA KILOS-PROTESTA

NAGPROTESTA  ang isang bagong   kilusan na  kinabibilangan  ibat-ibang grupo ng makabayang  Pilipino sa harap ng …

Krystall Herbal Oil

Lamig at pilay sa balikat sisiw sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

031125 Hataw Frontpage

Sa Plaridel, Bulacan
Estudyante patay nang malunod sa private resort

PATAY ang isang binatilyong estudyante matapos malunod sa isang pribadong resort sa bayan ng Plaridel, …

Christian Monsod The Agenda media forum Club Filipino

Petitions sa Korte Suprema rason ng Senado para ‘di mag-convene bilang impeachment court

INILINAW ni Christian Monsod, isa sa mga framer ng 1987 Philippine Constitution na maaaring gamiting …

Leave a Reply

Your email address will not be published. Required fields are marked *