Sunday , April 6 2025

Sarah Geronimo pwede nang maging newest concert queen (Nagkaroon na ng 8 major concert na pawang SRO)

110715 SARAH Geronimo
Sang-ayon kami sa isinulat ng kapwa namin veteran lady entertainment columnist at host ng showbiz segment sa Master Showman na si Tita Aster Amoyo tungkol sa korona na hawak ni Pops Fernandez bilang undisputed Concert Queen na sinusundan nina Regine Velasquez at megastar Sharon Cuneta na dapat na nilang ipasa kay Sarah Geronimo. Sa dami ng hit concerts na ginawa ay may karapatan na sa concert queen title na ‘yan.

Sino ba ngayon sa kasabayan ng Pop Star Royalty ang mayroon nang 7th major concerts? Pangwalo ang gagawing two night concerts na “From The Top” na gaganapin sa Araneta Coliseum sa December 4 at 5. Imagine kahit ‘yung 10th Anniversary concert nito na “Perfect 10” last 2013 sa MOA Arena ay jampacked sa dami ng taong nanonood.

Dito sa kanyang latest concert siguradong lalong mapahahanga ang lahat kay Sarah G na bukod sa mga pasabog na number na first time lang masisilayan ng kanyang fans at lahat ng gowns and other outfits na susuotin ng Pop Star Princess ay ibinagay sa kanya at sa kanyang show na gawa ng mga kilalang fashion designers sa bansa na sina Rajo Laurel, Rhett Eala at Dennis Celestial. Hindi lang ‘yan ginastusan rin ng Viva Liv (producer ng concert) ang stage na gagamitin ng singer actress. Dalawang supplier ang kanilang kinuha para magtayo ng malaking stage sa Araneta na lelevel sa isang foreign concert.

Well noon pa man ay all-out na ang support ng kanyang Viva family kay Sarah na balita pa namin ay sobrang inspired sa ganda at laki ng preparation para sa kanyang nasabing 8th major concert. Kaya naman todo ang rehearsal ngayon ng daughter ni Mommy Divine at hindi na siya tumatanggap ng ibang trabaho para makapag-concentrate sa kanyang From the Top concert na si Paolo Valenciano ang director at Musical Director naman si Louie Ocampo.

Hindi lang sa rehearsals nakatutok ngayon si Sarah maging sa diet nito at pagdi-gym dahil gusto niyang sexy siya at bumagay sa kanya ang mga outfit na gagamitin sa kanyang show na sold-out pareho ang Dec 4 and 5 na tickets. Dalawang beses na nagbenta ng personal sa ticket booth ng Araneta si Sarah. Marami ang pumila at nagpa-autograph sa kanya.

As of now pagdating sa kanyang guest ay wala pa rin nababanggit ang Viva Live kaya surprising ito at malay ninyo bigla na lang bumulaga sa entablado ang papa labs ni Sarah na si Matteo Guidecelli na sinuportahan din niya sa concert nito sa Music Museum last week.

Why not gyud!

VONGGANG CHIKA! – Peter Ledesma

About Peter Ledesma

Check Also

Jillian Ward

Jillian gustong pumasok ng PBB House-Baka lang mabilis ako ma-evict dahil sa tagal maligo

MATABILni John Fontanilla GAME si Jillian Ward na pumasok sa PBB House at maging housemate ni Kuya. Lalo na’t …

Sparkle Prime Workshop

Sparkle Prime Workshops for Summer 2025 tuloy ang enrollment 

RATED Rni Rommel Gonzales MAAARI pang mag-enroll para sa Sparkle Prime Workshops na maraming exciting classes ang …

Kris Aquino

Kris nakahahabag sa sobrang kapayatan

PUSH NA’YANni Ambet Nabus ISA rin kami sa mga nagtataka kung bakit sa gitna ng …

JM Ibarra Fyang Smith Sylvia Sanchez Nova Villa Ces Quezada Bodjie Pascua

Fyang at JM may serye na may Korean movie pa

MATABILni John Fontanilla MUKHANG tuloy-tuloy na nga ang pagsikat ng tambalan nina JM Ibarra at Fyang Smith dahil bukod …

Gloria Diaz Miss Universe

Gloria Diaz sa beauty pageant — It’s not an IQ contest, nawawala ang natural

RATED Rni Rommel Gonzales MAY karapatan si Ms Gloria Diaz bilang pinakaunang Pilipinang Miss Universe (1969) na magbigay ng …

Leave a Reply

Your email address will not be published. Required fields are marked *