HATAW! D'yaryo ng Bayan hatawtabloid.com
PORMAL nang binuksan ng Taguig City ang isang linggong pagdiriwang ng araw ng mga puso sa pamamagitan ng TLC Heart Beats na isinagawa sa TLC Park sa Lakeshore kamakalawa.
Ang pagdiriwang ay lalahukan ng mga kilalang mang-aawit mula sa music industry bilang handog ng lungsod ng Taguig sa mga mamamayang Taguigeños na ipagpatuloy at panatilihin ang diwa ng pagmamahalan.
Bukod sa nga mga mang-aawit na siyang haharana sa mga mamamayan ay idaraos din ang isang linggong selebrasyon sa Vista Mall, Arca South, at Benigno High School.
Nanguna sa paglulunsad ng programa at nagpakitang gilas ang grupong Sitti at Luna Band na muling sinariwa ang nakalipas na mga awitin ng pagmamahalan.
Ang Heart Beats ay unang Valentine’s service caravan kompara sa mga nakalipas na pagdiriwang ng araw ng mga puso.
Ayon kay Taguig Mayor Lani Cayetano, layon ng lungsod na lalong ipadama sa bawat Taguigeños ang kalinga at pagmamahal ng pamahalaang lungsod.
Sa kabila ng buhos ng ulan ay hindi naman napigilan ang mga Taguigeños lalo ang mga magsing-irog para dumalo sa TLC Heart Beats at ipakita ang kanilang pagmamahalan. (NIÑO ACLAN)
