Jillian gustong pumasok ng PBB House-Baka lang mabilis ako ma-evict dahil sa tagal maligo

MATABIL
ni John Fontanilla

GAME si Jillian Ward na pumasok sa PBB House at maging housemate ni Kuya.

Lalo na’t naroon ang ilan sa mga kaibigan at nakatrabaho nito sa kanyang hit show na  My Illonggo Girlna sina Michael Sager at Vince Maristela. 

Ang siste lang sabi ni Jillian baka pagpasok niya sa PBB ay ma-evict siya agad dahil sa tagal maligo.

“Baka ma-evict ako agad kasi ang tagal ko maligo at lagi akong natutulog. Pero if ever na nandoon ako, siguro ako ‘yung laging magsasaing na lang,” ani Jillian.

Nagbigay din ito ng mensahe para kina Michael at sa mga kaibigang nasa loob ng PBB.

“I pray for the best kay Michael (Sager) and sa iba kong friends. Basta paglabas ninyo, ako bahala sa inyo. Ililibre ko kayong lahat,” nakangiting turan ni Jillian sa panayam nito sa 24 Oras.