Michelle nakatulong sa pag-come out ni Klarisse bilang bisexual

MA at PA
ni Rommel Placente

MARAMI ang nagulat sa episode ng Pinoy Big Brother Celebrity Collab Edition noong Wednesday, na sa pangalawang pagkakataon ay may nag-out  sa kanyang gender preference. 

Ito nga ang 2013 The Voice Philippines 1st Runner up at 2021 Youre Voice Sounds Familiar winner na si Klarisse de Guzman.  

Sa harap ng kapwa niya  housemates at ng bagong guest housemate na si Michelle Dee, ainamin ng singer na hindi raw niya alam noong una kung paano niya ito sasabihin. Pero aniya ang presence ni Michelle marahil ang nagdagdag ng lakas ng loob sa kanya para siya ay mag -come out. 

Habang nagsasalita si Klarisse ay nagha-heart sign naman ang dating beauty queen, simbolo ng kanyang suporta kay Klarisse at bakas ang kasiyahan nito.

Relate much si Michelle. May 2023 ay nag-come out din siya na ang eksaktong salita niya ay, “Indefinitely Identify myself as bisexual.”

Isa rin sa hindi makalilimutang pag-amin na ginawa ng isang housemate sa PBB ay si Rustom Padillanoong 2006.