Relasyong Mikee at Paul mabilis tinapos

I-FLEX
ni Jun Nardo

ANO kaya ang mangyayari sa pelikula nina Mikee Quintos at Paul Salas ngayong hiwalay na sila? Sweet As Chocolates ang title nito.

Ginawa ng former lovers ang movie noong sila pang dalawa. Nag-shooting pa sila sa Bohol under the direction of Rado Peru na nagdirehe ng My Ilonggo Girl nina Jillian Ward at Michael Sager.

Eh nang makausap namin si direk Rado sa phone, pinag-uusapan nila ang kanilang next move pero ayaw muna niya itong sabihin sa amin.

Sa pagkompirma ni Mikee ng hiwalayan, walang third party. Pero sa dahilan, si Paul na lang ang tanungin.

Ang bilis matapos ng relasyong Mikee at Paul, huh!