Thursday , March 28 2024

Bilyones na Covid-19 funds ‘bayad-utang’ ng Duterte admin sa ‘criminal ring’

ni ROSE NOVENARIO

NAPUNTA sa kamay ng sindikatong kriminal at mga pugante sa batas ang bilyon-bilyong pisong pondo ng Filipinas para sa pagtugon sa CoVid-19 pandemic.

Isiniwalat kahapon ni Sen. Risa Hontiveros na tinutugis ng Taiwan government ang mga opisyal ng Pharmally International Holding Co Ltd na sina Huang Wen Lie, Huang Tzu Yen, at business partner ni Michael Yang, dating economic adviser ni Pangulong Rodrigo Duterte, bunsod ng financial crimes.

“Why is this government transacting with fugitives? Bakit tayonakikipagnegosyo sa mga taong may warrant of arrest pa nga sa ibang bansa? Napunta ba sa isang embezzler, isang estafador, ang CoVid funds?” mariing tanong ni Hontiveros.

Batay aniya sa website ng Ministry of Justice ng Taiwan,sina  Huang Wen Lie a.k.a. Tony Huang, anak na si Huang Tzu Yen, at kasosyo ni Yang na si Zheng Bingqiang ay wanted sa iba’t ibang financial crimes.

Si Huang ay wanted dahil sa mga kasong securities fraud, embezzlement, at stock manipulation. Siya ang chairman ng Pharmally International Holding Co Ltd at kasama nina Pangulong Rodrigo Duterte at Yang sa isang pulong sa Davao City noong Marso 2017.

Ang anak niyang Huang Tzu Yen ay wanted sa kasong stock manipulation, ani Hontiveros base sa Taiwan Ministry of Justice Investigation Bureau website.

Siya ay co-owner ng Pharmally Pharmaceutical Corporation, ang pinagkalooban ng administrasyong Duterte ng pinakamalaking kontrata para sa medical supply.

Kahit nasa Taiwan si Huang mula pa noong 29 Disyembre 2020 ay ibinigay ng gobyernong Duterte sa kanyang kompanya ang mga kontrata para sa medical supplies hanggang noong Hunyo 2021 at habang may arrest warrant laban kay Zheng Bingqiang dahil sa pagkakasangkot sa stock manipulation scheme ni Huang Wen Lie.

Si Zheng ay close business associate ni Yang, at tinukoy sa Chinese news websites bilang presidente ng Fu De Sheng Group, na chairman si Yang.

Napaulat na si Zheng ay kaharap nang i-tour ni Yang si Duterte sa tanggapan ng Fu De Sheng sa Xiamen, China noong 2015.

Sa panayam sa programang The Chiefs sa One News kagabi, binigyan diin ni Hontiveros na ginawa ng Kongreso ang tungkuling ipasa ang Bayanihan Law kaya’t nagulat ang mga mambabatas sa lumabas na Commission on Audit (COA) report na hindi pala ito napunta sa health workers at pambili ng bakuna bagkus ay ginamit ng gobyerno para makipagtransaksiyon sa mga pugante kaya nawaldas ang pera ng bayan.

“We passed Bayanihan Law kaya nakaka-shock ang COA report, ‘di pala ginamit sa health workers, ‘di pala ginamit sa bakuna and now we have this spectacle that the government is transacting with fugitives to misuse public fund,” aniya.

“Dumarami at lumalakas ang boses ng taongbayan na galit kasi damang-dama ng lahat ang dusa ng pandemya, itong dusa ng recession and now to find out that government has been transferring, transacting with these criminal types using Filipino funds to buy overpriced PPEs. Aba siguro naman dapat pakiramdaman nitong administrasyon ang pakiramdam ng mamamayan,” dagdag niya.

        Hindi aniya dapat maging reckless na deadmahin lang ng mga opisyal ang imbitasyon ng isang hearing, batay sa utos sa kanila ni Pangulong Duterte dahil dumarami ang nakikinig, sumusubaybay at pinaniniwalaan ang imbestigasyon ng Senado at gustong malaman ng mga Filipino kung ano ang totoo para maiwasto kung maiwawasto pa.

About Rose Novenario

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Leave a Reply

Your email address will not be published. Required fields are marked *