HATAW! D'yaryo ng Bayan hatawtabloid.com
ni RODERICK PALATINO
CAMP VICENTE LIM, Laguna — Isang 13-anyos babaeng teenager ang namatay sa sunog sa Lipa, Batangas nitong Miyerkoles ng madaling araw.
Habang sa Laguna, 24 pamilya ang nawalan ng tahanan dahil sa sunog na naganap sa Biñan.
Sa ulat, sinabing si Meagan Aicel May Gabuna, 13, ay natutulog nang sumiklab ang sunog dakong 3:40 am.
Ayon sa kaanak ni Gabuna na si Jersey Gabuna Ortega, nagising siya sa ingay mula sa labas bago naramdaman ang usok sa loob ng kanilang bahay sa Barangay San Carlos.
Ani Ortega, ginising niya ang mga kamag-anak pero nakalimutan ang biktima na natutulog sa kabilang kuwarto.
Ayon sa mga Arson investigators, posibleng napabayaang kandila sa kuwarto ng biktima ang dahilan ng sunog.
Idineklarang naapula ang sunog dakong 4:50 am na umabot sa tinatayang P120,000 ang pinsala.
Samantala, isang depektibong appliance ang pinaniniwalaang dahilan ng sunog sa Barangay Sto. Tomas, sa Biñan, Laguna.
