Bangkay ng kelot nadiskubre habang nagsosoga ng baka

NADISKUBRE ng isang pastol ng baka ang bangkay ng isang lalaki na kanyang natagpuan bandang 7:30 ng umaga nitong 2 Mayo, ngunit iniulat sa Calamba CPS dakong 11:40 ng umaga ng parehong petsa sa Purok 5 A, Brgy. San Cristobal, Calamba City, Laguna.

Sa nabanggit na petsa at oras, tawag sa telepono ang natanggap ng Calamba CPS mula sa duty BPSO ng Brgy. San Cristobal, Lungsod ng Calamba.

Ayon sa saksi, nagpapastol siya ng kanyang mga baka sa lugar ng insidente nang matuklasan niya ang isang walang buhay na katawan na nakahandusay sa lupa.

Pagkatapos no’n, siya’y agad pumunta sa kanyang bahay at sinabi sa kanyang pinsan na isa siyang BPSO ng Brgy. San Cristobal at ibinalita sa Calamba CPS.

Ang bangkay ay dinala sa Quijano Funeral Services para isasailalim sa awtopsiya upang matukoy ang sanhi ng pagkamatay.

Kinilala ang biktima na isang Jayson De Leon Casulla, lalaki, 27 anyos, binata, residente sa Purok 5A Brgy. San Cristobal, Calamba, Laguna.

               Kinilala ang saksi na si Olivio Arsadon, Mendoza, lalaki, 65 anyos, magsasaka, balo, residente saPurok 5 A, Brgy. San Cristobal, Calamba City, Laguna.

Agad nagsagawa ng kahilingan ang IOC sa SOCO Assistance sa RFU 4A para sa awtopsiya. Humiling din ng footages ng CCTV na naka-install malapit sa lugar ng insidente; at humahanap ng ibang saksi na posibleng nakakita ng insidente. (BOY PALATINO)