Kelot dedbol sa drug bust sa NE (Kabilang sa drugs watchlist)

PATAY ang isang suspek na hinihinalang tulak ng ipinagbabawal na droga sa lugar na pinangyarihan ng insidente sa ikinasang drug bust ng mga kagawad ng Cabanatuan City Police SDEU sa pamumuno ni P/Lt. Col. Barnard Danie Dasugo nitong Martes ng madaling araw, 20 Abril, sa Brgy. Bantog Norte, lungsod ng Cabanatuan, lalawigan ng Nueva Ecija.

Kinilala ni PRO3 Director P/BGen. Valeriano de Leon base sa ulat ni P/Col. Jaime Santos, ang suspek na si Mark Dela Peña, nasa hustong gulang, kabilang sa drugs watchlist, residente sa naturang lugar.

Bumuwelo ang suspek nang maamoy na mga operatiba ang katransaksiyon saka pinutukan sila ng baril ngunit maagap na gumanti ng putok ang mga back-up na nagresulta ng kanyang agarang pagkamatay.

Nakompiska sa pinangyarihan ng insidente ng mga nagrespondeng Scene of the Crimes Operatives (SOCO) ang isang kalibre .38 Smith and Wesson baril, limang basyo ng bala ng 9mm pistola, isang pakete ng hinihinalang shabu, at sling bag.

(RAUL SUSCANO)