Ana Capri, kinilala ang naitulong ni Ms. Baby Go sa kanyang career

LABIS ang pasasalamat ng award winning actress na si Ana Capri sa lady boss ng BG productions na si Ms. Baby Go. Dahil kasi sa pelikulang Laut, humataw muli ang career ni Ana. Bukod pa ito sa kaliwa’t kanang acting awards na natanggap niya sa naturang pelikula na pinagbidahan ni Barbie Forteza at pinamahalaan ni Direk Louie Ignacio.

“I feel very blessed to be a part of such a beautiful project na Laut and to be under Baby Go’s BG Productions and her team…To direk Louie Ignacio for trusting me, playing roles on his films. Sobrang thankful ako sa kanila at sa lahat ng tumutulong sa aking career like Dennis Evangelista, kasama ka na kuya at sa lahat ng press.

Sobrang thankful po talaga ako sa kanilang lahat, lalo na kay God, my family at sa lahat ng award giving bodies that’s giving me the opportunity to be recognized,” saad ni Ana.

Ang next project ni Ana sa BG Productions ay Almost A Love Story  tampok sina Barbie Forteza at Derrick Monasterio. “Tuwang-tuwa po ako na tinupad ni Ms. Baby ang promise niya sa akin. Another blessing ito, lalo’t kasama pa si Direk Louie sa project at nandoon si Barbie na kasama ko rin sa movie na Laut. Parang wow, the power team! Alam mo naman Kuya na diyan ako sa Laut nanalo ng ilang Best Supporting Actress award, e. And siyempre, nandiyan din si Derrick (Monasterio) kaya sobrang happy ko.

“I’m so happy na ikino-consider nila ako sa mga project nila, tapos ay sa Italy pa kami nag-shooting nito,” masayang saad ni Ana.

Incidentally, isa si Ana sa awardee sa National Commission for Culture and the Arts (NCCA) na ipinagkakaloob sa mga Filipino artist na nagbigay ng karangalan sa bansa dahil sa pagkapanalo sa mga International film festival. Nagpasalamat si Ana sa bagong blessings na ito na kabilang din sa awardee sina Ms. Baby, Direk Louie, Allen Dizon, Angellie Nicholle Sanoy, at iba pa.

“Thankful ako sa pagkilala ng NCCA and also thankful for all the projects na dumating at paparating, I’m part of the new soap sa ABS CBN din po. Plus, ngayon ay nag-start na rin akong mag-taping ng Diary of 30 Something with Alessandra de Rossi, Assunta de Rossi, Karen de Los Reyes, Carla Humpries, and Meg Imperial, with Ricci Chan, Ivan Padilla, at iba pa. This is directed by Ms. Ice Idanan. Ito’y para sa Sari-Sari Channel ng Cignal TV and will be aired sa March 23 na,” wika ni Ana.

ALAM MO NA!
ni Nonie Nicasio