MATUTUPAD na rin ang pangarap ni Ms. Baby Go ng BG Productions International na gumawa ng horror film, ang Hipnotismo na pinagbibidahan nina Beauty Gonzales at Enzo Pineda na ididirehe ni Joey Romero.
Kasama rin sa pelikulang ito si Polo Ravales na gaganap bilang kontrabida.
Ayon kay Polo nang makausap namin sa story conference, natutuwa siya na muling gagawa ng pelikula mula sa nasabing movie outfit.
“I’m so thankful na nakasama ako sa project and ito ‘yung second movie ko under BG Productions. The first was ‘Balatkayo’ with Aiko Melendez, so kami ‘yung magka-partner noon and we shot it in Dubai. So ito ‘yung second film ko sa kanila and I’m so happy and thankful na isinama ako for this project,” sabi ni Polo.
Patuloy niya, “Well, I’m so happy na gumagawa ako ng roles na tulad ng ganito. Siyempre ‘di naman forever na alam mo ‘yun, parati kang lead or parati kang good boy sa isang show. So, siyempre when you mature and grow old, nag-iiba ‘yung roles na ibinibigay sa ‘yo. And I’m very happy and thankful na dumating ako sa point ng career ko na you know, I get to do character roles lalo na ‘yung mga ganito, villains.”
MA at PA
ni Rommel Placente
