HATAW! D'yaryo ng Bayan hatawtabloid.com
NAKAUSAP namin si Garie Concepcion sa ABS-CBN. Napapanood siya ngayon sa La Luna Sangre. Balitang magkakaroon ito ng book 2 kaya nagdarasal din ito na hindi mamatay ang character niya.
Happy at contented naman si Garie sa lovelife niya sa piling ng boyfriend niyang si Michael Pangilinan.
Isang formula na nagtatagal ang relasyon nila ay tahimik lang at hindi nagpo-post sa social media.
Pero itinanggi niyang magpapakasal na sila. Ngayon pa lang siya nag-i-enjoy sa career niya. Mauna muna ang ate niyang si KC Concepcion.
“Si Ate, siya talaga ang dapat mauna. Hahaha,” sambit pa niya.
Mariin din niyang itinanggi na buntis umano si KC sa boyfriend niyang si Aly Borromeo. Happy lang si KC sa personal moment niya.
Anyway, boto ba ang ama niyang si Gabby Concepcion kay Michael? Hindi niya masagot dahil wala pang oras na ipakilala niya sa isa’t isa sina Michael at Gabby.
May isang insidente na lumapit si Michael kay Gabby at nagpakilala noong magkita sila sa isang event. Na-appreciate naman ang ginawa ni Michael pero huli na nang ma-realize ni Gabby na boyfriend pala ‘yun ng anak niya.
Ha! ha! ha!
