Friday , March 29 2024

Tension sa PGT, kinompirma ni Billy

NASA pangangalaga na ng Viva Artists Agency si Billy Crawford. Pumirma siya ng limang taong kontrata. Ultimate dream niya na makasama sa malaking concert si Sarah Geronimo. Gagawa rin siya ng album, pelikula bukod sa pagiging host sa Kapamilya Network.

Bilang host ng Pilipinas Got Talent, kinuha ang opinion niya sa pamba-bash ngayon kay Robin Padilla sa Korean contestant.

Naiintindihan niya si Binoe at naiintindihan din niya ang contestant. Hindi ito mababalanse dahil may mga taong sang-ayon at may mga taong hindi.

Basta sila ni Toni Gon­zaga, ang inaalagaan nila ay ang contestant. Kumbaga, binibigyan nila ng support ang contestant.

Hindi siya puwedeng magsalita para kay Robin ganoon din sa contestant.

Pero aminado siya na nagkaroon ng tension sa PGT noong mga oras na ‘yun.

‘Yung ibinabatong isyu ngayon kay Robin na racism, sexism, at rudeness ay nagyayari naman sa buong mundo.

“Kung gusto niyo makakita ng tunay na racism ay pumunta na lang kayo sa Amerika,” sambit pa niya.

Kahit siya ay na-experience niya ang racism, discrimination noong nasa Amerika siya.

“Si Kuya Binoe ang pinalabas lang naman niya ay payong ama, ‘di ba? Niyakap nga niya after. Kunwari, kung ako ang nakagawa niyon at binawi ko sa dulo at sinabi kong ‘welcome to the Philippines’, hindi siya bawi kasi matatakot pa rin ‘yung taong ganoon. Pero sa akin, at least nasabi ko sa ‘yo na gusto kitang tulungan na matutong magsalita kahit kaunti to communicate.

“Actually, noong unang punta ko sa France, for two years, hindi ako marunong magsalita ng French, hindi ako makakain, hindi ako makapag-usap kahit kanino at walang tumutulong sa akin  na magsalita ng English dahil walang marunong. So, ‘yung effort mo, ilalabas mo talaga as an artist,” deklara niya.

Naniniwala rin si Billy na below the belt na pati ‘yung anak nina Robin at Mariel Rodriguez ay idinamay. Nakikiusap din siya na ‘wag nang idamay ang pamilya ni Binoe dahil kahit tayo ayaw din nating pag-usapan ang pamilya natin.

Pero ang ending naman ay masaya pa rin ang nangyari sa Korean contestant dahil babalik ito sa next round kaya dapat ay mag-move on na.

Korek!

 

 

 

 

About Roldan Castro

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *