HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
SERYOSONG role, hindi pakilig o pa-cute ang mas gustong gawin ni Harvey Bautista. Ito ang nalaman namin nang makahuntahan sa katatapos na Christmas party ng SPEEd (Society of Philippine Entertainment Editor) noong December 1, 2025 sa Rampa sa Quezon City.
“I find it more appealing,” anang itinanghal na Best Supporting Actor sa 41st Star Awards for Moviesmula sa pelikulang Pushcart Tales na kalahok sa inaugural Puregold Cine Panalo Film Festival.
“The drama of it. Kasi parang… kilig-kilig roles are also nice. I mean, I did ‘The Four Bad Boys and Me.’
“That’s very… not cheesy in a bad way pero cheesy in a good way na parang these are all clichés na we are used to — four bad boys and one nerdy girl.
“Those are the type of projects that I would love to do every now and then but the stories that really appeal to me are stories that connect with people and have something to say.
“Like, it is very valuable to me that the projects that I join are clear in what they believe in,” esplika pa ni Harvey na tinalo sa pagka-best supporting actor sina Nonie Buencamino (Un/Happy For You), Joross Gamboa (Hello, Love, Again), Sid Lucero (The Kingdom), Ruru Madrid (Green Bones), Khalil Ramos(Fuchsia Libre), Wendell Ramos (Green Bones), at Joel Torre (Under A Piaya Moon).
Ito ang unang award ni Harvey para sa Pushcart Tales.
“Siyempre, isang malaking honor po!” sabi pa ng batang aktor na habang kinakausap namin matapos matanggap ang award sa Star Awards ay malamig pa rin ang kamay dahil daw sa kaba.
