HATAW! D'yaryo ng Bayan hatawtabloid.com
NASAKOTE ng Taguig City Police ang isang inarestong kinilalang high-value drug personality sa isang buy-bust operation at nakuhaan ng mahigit kalahating kilong shabu na nagkakahalaga ng P3.8 milyon sa Barangay Pembo ng lungsod.
Kinilala ang suspek na si Rowel Mendoza, 26 anyos, construction worker, naninirahan sa nasabing barangay.
Batay sa ulat ng pulisya, dakong 12:30 ng umaga noong 1 Oktubre, nang isagawa ang joint operation ng Station Drug Enforcement Unit (SDEU) ng Taguig City Police Station (CPS) at Philippine Drug Enforcement Agency (PDEA) at dito nasakote ang suspek.
Sa pahayag ng pulisya, si Mendoza, alyas Rowel ay bahagi ng talaan ng mga bagong kinilalang high-value individual sa lungsod ukol sa illegal drugs watchlist.
Nakuha sa suspek ang pitong sachets ng hinihinalang shabu na tumitimbang ng 565.6 gramo, may halagang P3,846,080 milyom kasama ang isang green coin purse, brown wallet, light green tea bag, at ang ginamit na marked buy-bust money na kinabibilanganan ng P500 bill at 11 pirasong boodle money.
Agad dinala sa Southern Police District Forensic Unit sa Camp Bagong Diwa para sa laboratory examination ang mga nakompiskang hinihinalang droga samantala si Mendoza ay nanatiling nakapiit sa Taguig CPS custodial facility.
Sinampahan ng kasong paglabag sa Sections 5 at 11 ng Article II of Republic Act 9165 o kilala sa tawag na Comprehensive Dangerous Drugs Act of 2002.
Ayon kay Taguig City Police Chief Colonel Byron F. Allatog ang pagkakadakip sa suspek ay bahagi ng kanilang kampanya na sugpuin ang ilegal na droga batay sa kautusan ni Taguig City Mayor Lani Cayetano na bigyang priyoridad ang pagdakip sa mga high-value personalities at panatilihing drug-free ang Taguig. (NIÑO ACLAN)
