HATAW! D'yaryo ng Bayan hatawtabloid.com
NAG-RAMPA na naman ang mga kandidata ng Binibining Pilipinas 2025 sa Lagoon Fashion Show na ginanap sa Gateway Mall 2, Araneta City nitong Mayo 28, 2025.
Suot ang mga latest na swimsuit designs mula sa Dia Ali by Justine Aliman, shoes mula sa Mari Queen, accessories by Christopher Munar, at styling ni Patrick Henry, lakas maka-bighani ang mga kandidata habang confident na rumampa sa Lagoon runway. Ang mga bright yellow swimsuits na suot nila ay swak na swak sa saya ng summer vibe sa Pilipinas!
Special din ang finale ng fashion show dahil sina Binibining Pilipinas International 2024 Myrna Esguerra, Binibining Pilipinas Globe 2024 Jasmin Bungay, 1st runner-up Christal Jean Dela Cruz, at Trisha Martinez ang rumampa suot ang maiinit na hot pink swimsuits mula sa Dia Ali.
Ang Dia Ali ay kilala sa glam na designs at flattering fit—kaya naman angat na angat ang natural na ganda at confidence ng bawat kandidata.
Ginanap ang fashion show sa The Lagoon ng Gateway Mall 2—isang 84-ft na shallow pool na may fountain at greenery. Madalas itong dining spot, pero para sa mga events gaya nito, instant runway ang peg!
Ang Dia Ali by Justine Aliman ang official swimsuit sponsor ng Binibining Pilipinas.
Abangan ang Grand Parade of Beauties sa Araneta City sa June 8, at ang coronation night ng Binibining Pilipinas 2025 sa June 15 sa Smart Araneta Coliseum! (HNT)
