Tour of Luzon ‘The Great Revival’ a complete package

Ang Tour of Luzon a complete package ng isang multi-stage race sa pagbabalik ng kilalang summer sports spectacle sa darating na Abril 24 sa edisyong tinatawag na “The Great Revival.”

“Walong yugto ng teknikal na pagbibisikleta sa pagitan ng mga siklista at ng kani-kanilang mga koponan,” ayon kay Arrey Perez, Chief Regulatory Officer ng Metro Pacific Tollways Corporation, ang tagapagtaguyod at pangunahing sponsor ng karera na inorganisa ng DuckWorld PH kasama ang Cignal TV bilang Official Media Partner.

“Mula simula hanggang dulo, mula Yugto 1 hanggang sa ‘queen stage’ na huling Yugto 8 sa Camp John Hay, hindi lamang ito karera kung sino ang pinakamalakas, kundi kung sino rin ang pinakamatalino,” ayon kay Patrick “Pató” Gregorio, presidente ng DuckWorld PH, tungkol sa karera na sinusuportahan ng MVP Group—Meralco, Metro Pacific Investment Corporation, Maynilad, Smart, PLDT, Landco Pacific Corporation, mWELL, at Megaworld.

Labimpitong koponan na may tig-pitong riders bawat isa—kabuuang 119 siklista—ang sasabak sa 1,074.90 kilometro ng Tour of Luzon na magsisimula sa Abril 24 sa pamamagitan ng 190.70-km Paoay-Paoay Yugto 1, 68.39-km Paoay-Vigan team time trial Yugto 2, 130.33-km Vigan-San Juan Yugto 3, 162.97-km Agoo-Clark Yugto 4, 166.65-km Clark-Clark (via New Clark City) Yugto 5, 168.19-km Clark-Lingayen Yugto 6, 15.14-km individual time trial Labrador-Lingayen Yugto 7, at sa huli ang “queen stage” na 172.53-km mula Lingayen patungong Scout Hill sa loob ng Camp John Hay sa Baguio City.

Isang milyong piso ang naghihintay sa champion team habang P500,000 naman ang matatanggap ng individual champion sa Tour of Luzon, na nakipag-partner sa Cardinal Santos Medical Center (Opisyal na Medical Partner), GO21 (Opisyal na Logistics Partner), Dong Feng Motors (Opisyal na Sasakyan), Victory Liner, Digital Out of Home (DOOH), Public Safety Savings and Loan Association, Inc. (PSSLAI), Unilab, Huawei, Toyota, MVP Group/We Are Sports, at Pilipinas Live.

Ang mga kalahok na koponan ay ang 7-Eleven Cliqq Roadbike Philippines, Standard Insurance Philippines, Go For Gold Philippines, Victoria Sports Pro Cycling Team, Philippines Under-23-Tom N Toms Coffee, Excellent Noodles, DReyna Orion Cement, Dandez T-Prime Cycling Team, Exodus Army, MPT Drive Hub Cycling Team, 1 Team Visayas, One Cycling Mindanao, at Team Pangasinan.

Mayroon ding mga banyagang koponan tulad ng CCN Factory HK mula Hong Kong, Malaysia Pro Cycling, Bryton Racing Team mula Taiwan, at Gapyeong Cycling Team mula South Korea. (HNT)