Ivana Alawi itinangging may ipinaretoke; Ilong malaking insecurities 

I-FLEX
ni Jun Nardo

MAHILIG si Ivana Alawi sa hotdog. Pero ‘yung pagkaing hotdog, huh! Naging dahilan nga ‘yon ng away niya sa kanyang boyfriend!

Nakaaaliw panoorin si Ivana sa guesting niya sa Fast Talk With Boy Abunda. Baklang-bakla. Masayang kausap at hindi naman ‘yung bintang na naging sugar mommy siya eh todo gatos siya, huh.

“Nagbibigay ako ng branded na gamit. Pera, oo pero hindi naman ‘yung weekly.

“Maganda naman ako. Makinis at may pera kaya bakit naman ako gagastos ng  malaki?” saad ng social media influencer.

Eh kung may insecurities siya eh ang kanyang ilong.

“Hindi masyadong maayos. Pero wala akong ipinaretoke! Tunay lahat ‘yan!” diin pa niya.

At kung may offer sa kanyang frontal nudity? 

“Payag ako basta kailangan at maganda ang script!” rason ni Ivana.