Yassi kabado sa paggawa ng horror movie

I-FLEX
ni Jun Nardo

COMEBACK movie ni Yassi Pressman ang pelikulang Isolated ng Viva Films na idinirehe ni Benedict Mique at si Joel Torre ang kasama niya.

Huling ginawa ni Yassi ang Video City with Ruru Madrid. Eh sa Isolated na thriller, first horror movie niya ito kaya naman kabado siya nang gawin ito.

“Nakatatakot ‘yung mga eksena lalo na’t si Joel ang kasama ko sa buong movie. Hindi nga ako natulog minsan sa location namin dahil sa eerie experience ng assistant ko.

“Pero bumalik din ako kasi para matapos ang movie. Nakatatakot ‘yung experience ko and honor na makasama ko sa movie si Joel na sa TV ko lang nakasama. Ang galing niya!” pahayag ni Yassi sa mediacon na ang ganda-ganda at wala namang nabago sa hitsura, huh!