HATAW! D'yaryo ng Bayan hatawtabloid.com
ni Allan Sancon
BUKOD sa pagiging magaling na actress, likas din naman kay Ara Mina ang pagiging matulungin sa kapwa kaya nga pinasok na rin ng aktres ang politika para mas marami siyang matulungan.
Tatakbo si Ara bilang councilor ng Pasig kasama ang isa ring matulungin at business woman na si Sarah Discaya na tatakbo naman bilang mayor ng Pasig. Sanib-puwersa sila sa pagtulong sa mga Pasigueño.
May panawagan nga si Ara sa kanyang fans.
“Sa mga fan ko at mga kababayan natin. Thank you, thank you sa lahat ng suportang ipinakita ninyo sa akin mula pa noong nagsisimula pa ako hanggang ngayon. I hope na masuportahan ninyo ako sa bagong journey na papasukin ko. Kayo na po ang bahala. Basta marami po kaming plano sa Pasig ni Ate Sarah, marami po kaming gustong tulungan. Hindi ko po ito papasukin kung wala akong magandang gagawin,” mensahe ni Ara.
Kung sakaling palaring manalo si Ara bilang councilor ng Pasig ay marami siyang magandang proyekto para sa Pasig.
Natanong natin si Ara kung sakaling manalo siya bilang councilor ay iiwanan na niya ang showbiz?
“Hindi naman, pero kung sakaling palarin ay magpo-focus muna ako sa Pasig pero once in a while siguro gagawa pa rin ng pailan-ilang showbiz project. Katulad ng idol Kong si Ate Vi (Vilma Santos) na kahit nasa politika ay nakagawa pa rin ng mga pelikula,” pahayag pa ni Ara.
