HATAW! D'yaryo ng Bayan hatawtabloid.com
ni Allan Sancon
Sa wakas ay mapapanood na sa free tv at iba pang digital online ng ABS-CBN ang isa sa pinag-uusapang teleserye, ang Saving Grace: The Untold Story na pinagbibidahan nina Julia Montes, Sharon Cuneta, Janice de Belen, Elisse Joson, Sam Milby, Eric Fructuoso, Jenica Garcia, Christian Bables, at ang bagong child wonder ng Kapamilya, si Zia Grace.
Marami ang pinaluha ng seryeng ito nang ipalabas sa Prime Video at ngayon ay ipalalabas na sa free tv na tiyak na mas maraming kaabang-abang na eksena. Isa nga rito ang ipinakita sa trailer na sampalan nina Janice at Sharon.
“One of the preparation sa sampal ay ‘yung sa lines na importante sa amin, also blocking.
“Kasi ‘di ba ‘pag ganyang may sampalan gusto mo sana take 1 lang kasi nakakasakit ka eh. Huwag na tayong umarte, minsan masakit talaga.
“Ang gusto mo ay hindi ka ma-take 2 kasi uulitin mo ‘yun, masasaktan at masasaktan din siya.
“You try and make sure that you give your best sa eksenang ‘yun,” kuwento ni Janice.
“Tinanong kami ni direk before the sampalan kung gusto ba namin ‘yung tunay or daya?
“Old school kami pareho eh, halos sabay kaming nagdalaga, sabi namin tunay dapat. Okay sana ‘yung tunay, nakakailang kung hindi. Pero ang liit na tao ni Janice pero ang lakas manampal ha,” sabi naman ni Sharon.
Kaya The Untold Story dahil ‘yung mga hindi ipinakitang eksena sa Prime Video ay mapapanood sa TV.
Magsisimula na itong ipalabas sa March 3 (Monday) 9:30 p.m. sa Kapamilya Channel, A2Z, TV5, iWantTFC, at Kapamilya Online Live.
