HATAW! D'yaryo ng Bayan hatawtabloid.com
SA EDAD na 39 anyos, hindi tumitigil ang pagpadyak —at ganoon din ang pagkuha ng medalya — para kay Mark John Lexer Galedo na nakasungkit ng pilak sa kategoryang Masters 40-44 taon sa indibiduwal na time trial (ITT) noong Sabado sa Asian Cycling Confederation Road Championships sa Phitnasulok, Thailand.
Nakamit ni Galedo ang oras na 28 minuto at 25.2 segundo sa 21-kilometrong karera na ipinamalas ni Tawatchai Jeeradechatam ng Thailand, na may lamang na 35 segundo sa Filipino, nagwagi ng ginto sa ITT sa Myanmar 2013 Southeast Asian Games.
Ang Thai na si Kritsana Keawjun ay nakasungkit ng tanso sa likod ni Galedo, sa Masters races at isa pang Filipino, si Roderic Calla ay pang-anim sa grupong 45-49 taon.
Isang Special Citation awardee sa Philippine Sportswriters Association – San Miguel Corp., Annual Awards, nagretiro na si Galedo bilang isang elite rider noong 2024 at na-classify sa 40-44 kategorya sa Phitnasulok batay sa taon ng kanyang kapanganakan.
“Masaya ako sa tagumpay na ito at inspiradong makita ang ating bandila na itinataas dito,” sabi ni Galedo, na isa na ngayon sa mga coach ng isang 21-cyclist national team na nakikipagkompetensiya sa championships sa pamamagitan ng PhilCycling, Philippine Sports Commission, at MVP Sports Foundation.
“Salamat sa PSC, POC (Philippine Olympic Committee), at kay PhilCycling president (Abraham) Bambol Tolentino, sa 7Eleven Roadbike Philippines, at sa aking pamilya sa pagkakataon na makipagkompetensiya dito,” aniya.
Si Galedo, na nanalo ng kanyang ikalimang Tour of Guam crown bago magretiro noong Disyembre, ay makikilahok din sa road race sa Huwebes.
Si National team coach Joey de los Reyes ay nakasungkit din ng tanso sa Master’s road race noong nakaraang taon sa Asian championships — na sinuportahan din ng PSC — sa Astana, Kazakhstan.
Caption HV
WAGI ng silver si Mark John Lexer Galedo sa kategoryang Masters (40-44) taon sa indibiduwal na time trial (ITT) noong Sabado sa Asian Cycling Confederation Road Championships sa Phitnasulok, Thailand.
