HATAW! D'yaryo ng Bayan hatawtabloid.com
I-FLEX
ni Jun Nardo
NASAKSIHAN din namin ang pagsisimula ng relasyon nina Ai Ai de las Alas at Gerald Sibayan.
Madalas isama ni Ai Ai si Gerald sa kanyang shows, local or abroad. Personal assistant/driver siya ng Comedy Queen dahil that time eh estudyante pa lang si Gerald.
Mas bata si Gerald kay Ai Ai kaya hindi maiwasang maging protective siya sa BF that time dahil alam ng komedyana ang presence ng mga “ahas” sa showbiz lalo na’t guwaping si Gerald.
Hanggang sa nagpakasal sila. Pinag-aral maging piloto si Gerald na naging maayos naman ang relasyon sa anak ni Ai Ai.
Pero sabi nga sa kanta, all good things must come to an end. Naghiwalay sina Ai Ai at Gerald sa isang message na hindi na happy si Gerald at gustong magkaanak.
Hindi gaya ng nakaraan niyang relasyon, ngayon lang naging open si Ai sa hiwalayan. Para na rin maibahagi sa fans at nagmamahal sa kanya ang nagyari sa kanila ni Gerald.
Masakit. Malungkot si Ai Ai. Pero tinanggap niya ang lahat. Alam naman niya kung paano niya natulungan si Gerald at tinanggap ang naging kapalaran nila.
Huwag kang mag-alala, Ai Ai, dahil maraming nagmamahal sa ‘yo!
