Young actor sakit sa ulo ng produksiyon

I-FLEX
ni Jun Nardo

NAGIGING uncooperative raw ang isang young actor sa bagong series na gagawin nila ng kanyang ka-loveteam.

Naging hit kasi ang unang series na ginawa ng dalawa nang ilabas ito sa streaming app at sa TV.

Pero biglang nagbago ang young actor sa bagong series. May mga demand sa role at sa mga eksena nila ng ka-loveteam na never namang ginawa sa hit series nila.

Eh balitang mayroon nang GF ang young actor kaya iwas sa eksenang sweet at clingy silang magka-loveteam, huh!

Nagtataka siyempre ang staff dahil hindi naman naging problema ang aktor. Pero para matapos ang series, pinakiusapan na lang ang aktor na tapusin na lang ang series para sa fans nilang tumatangklik sa kanila.