HATAW! D'yaryo ng Bayan hatawtabloid.com
TAPAT sa kanyang pangako sa pagbuo ng isang bayan ng mga kampeon, ipinagdiwang ng MILO® Pilipinas ang ika-60 taon nito sa pamamagitan ng pagmarka ng isang malaking tagumpay – pag-energize sa higit dalawang milyong kabataang Filipino sa pamamagitan ng mga grassroots sports program.
Sa pagtanaw sa tagumpay na ito, pinarangalan ng MILO® ang mga hindi matutumbasang kasosyo sa sports sa isang kaganapang tinawag na Gathering of Champions.
Kabilang sa mga natatanging kasosyo na kinilala ang Philippine Sports Commission (PSC), Philippine Olympic Committee (POC) at ang Department of Education (DepEd) para sa kanilang mahalagang papel sa paghubog at pagpapatuloy ng pamana ng MILO® sa pag-aalaga ng mga batang Filipino patungo sa tagumpay sa pamamagitan ng sports.
Upang patatagin ang kanyang pangako sa pagbuo ng mga kampeon, sinabi ni Veronica Cruz, SVP ng MILO® Pilipinas at Business Executive Officer para sa Beverages and Confectionery, Nestlé Philippines, sa kanyang talumpati: “Ang aming pangako na isali ang mga batang Pinoy sa sports ay hindi kailanman nagbago. Ipinagmamalaki namin ang pamana na aming itinayo, ang mga ugnayang aming pinatibay, ang mga halagang aming natulungan sa pagtuturo sa mga batang atleta. Kasama ang bansa, ipinagdiwang namin ang ika-60 taon ng MILO sa isang panawagan na ilabas ang kampeon sa bawat Filipino.”
Ipinahayag ni Richard Bachmann, Chairman ng PSC, ang pakikiisa sa MILO® sa kanilang sama-samang misyon na itaas ang grassroots sports at magbigay inspirasyon sa mga hinaharap na kampeon sa mga Pilipino.
“Dynamic ang tanawin ng sports sa Filipinas. Sabik kami na mag-antabay sa mas marami pang matagumpay na kinalabasan. Nais kong iparating ang aming pasasalamat sa MILO Pilipinas sa pagiging isa sa aming mga kasosyo sa pagsusulong ng pisikal na kalusugan at wellness. Magtulungan tayo na mas pagbutihin ang aming mga tagumpay upang matuklasan ang mga bagong grassroots talents na magiging mga tagapagdala ng ating watawat sa hinaharap.”
