Her Locket binigyang pagkilala rin sa international film festival

IPINAPANOOD sa members of the media ang award winning film na Her Locket,  biggest winner ng Sinag Maynila 2024 na may walong  awards—Best Film, Best Director (J.E. Tiglao), Best Screenplay (J.E. Tiglao and Maze Miranda), Best Actress (Rebecca Chuaunsu), Best Supporting Actress (Elora Españo), Best Cinematography, Best Production Design, at Best Ensemble.

Matapos ang screening ay pinalakpakan ang pelikula dahil karapat-dapat naman talagang manalo ito ng walong awards dahil talaga namang napakaganda hindi lang ng istorya maging ang pagkakagawa ni Direk J.E. Tiglao

Istorya ito ng isang Chinese mother na may sakit na dementia na nagmamay-ari ng isang locket na nagpabalik sa kanyang ala-ala ng nakaraan.

In fairness kay Rebecca, magaling siyang umarte napaka-natural ng kanyang acting gayundin naman ang indie actress na si Elora Españo portrayed the role of Teresa na tumayong caregiver ni Jewel. 

Maganda rin ang cinematography ng pelikula lalo na ang flash back nito. Ipinakita rin ang Chinese tradition sa movie.

Dahil sa ganda ng pelikula, wagi rin ang pelikula sa iba’t ibang international film festivals katulad sa Taiwan at Morocco para sa best actress. Sumali rin ang Her Locket, sa Marchie Du Film-Festival De Cannes (2023) sa France, London gayundin sa East Asia International Film Festival 2023 sa UK, at sa 22nd Dhaka International Film Festival (2024) sa Bangladesh. Invited din ang Her Locket sa San Diego Film Festival (USA) sa October 2024. (Allan Sancon)