HATAW! D'yaryo ng Bayan hatawtabloid.com
AAKITIN ng 2024 V-League Collegiate Challenge ang mahihilig sa volleyball sa isang linggong pagpapakita ng athleticism at diskarte bilang pinakamahusay at pinakamaabilidad na paghahanda para sa labanan simula sa darating na Linggo, 28 Hulyo sa Paco Arena sa Maynila.
Ang pangunahing kaganapan, inorganisa ng Sports Vision Management Group, ay magpapakita ng mga nangungunang collegiate team sa parehong men’s at women’s division, na nangangakong maghahatid ng isang serye ng ‘high-octane’ at mga competitive na laban.
Magsisimula ang torneo sa National University (NU) teams – kapwa ang reigning UAAP champions – na haharap sa mabibigat na kalaban, kabilang ang De La Salle-College of Saint Benilde Lady Blazers, ang defending NCAA at V-League women’s champions, at ang University of Perpetual Help System DALTA Altas, ang NCAA men’s titleholders.
Tatakbo hanggang 4 Oktubre 2024, ang torneo ay lalaruin tuwing Linggo at Miyerkoles. Ang pagbubukas ng mga laro ay gaganapin sa Paco Arena, na may kasunod na mga laban sa PhilSports Arena sa Pasig, at ang Rizal Memorial Coliseum at Ninoy Aquino Stadium, kapwa sa Maynila.
Tampok sa women’s division ang Lady Bulldogs, kasama ang iba pang UAAP teams tulad ng University of Santo Tomas Golden Tigresses, Far Eastern University Lady Tamaraws, University of the East Lady Warriors, at ang University of the Philippines Fighting Maroons.
Ang listahan ng kababaihan ay ang NCAA runners-up Letran Lady Knights at ang mga third-placer na Lyceum Lady Pirates.
Sa men’s division, sasalihan ng NU at UPHSD ang Ateneo, Letran, La Salle, EAC, FEU, at UST.
Mapapanood ng mga tagahanga ang lahat ng aksiyon nang live sa pamamagitan ng vleague.ph at ang opisyal na channel sa YouTube Channel. (HATAW News Team)
