Karisma ni Willie muling masusukat sa pagbabalik-telebisyon

I-FLEX
ni Jun Nardo

BIRTHDAY pala ng big boss ng TV 5 na si Manny V. Pangilinan nitong nakaraang mga araw.

Natiyempo pang kahapon ang Wil To Win welcome party ni Willie Revillame na ginawa sa New Frontier Theater.

Ngayong araw na ito, Lunes, ang simula ng Wil To Win ni Willie sa TV5 na dati niyang studio bago nagpalipat-lipat sa ABS-CBN at GMA.

Hindi makakatapat ng show ni Willie ang Family Feud ni Dingdong Dantes sa GMA. Mas maaga ang telecast ng show ni Willie, 4:00 p.m. dahil 5:40 p.m. naman ang game show ni Dong.

Malalaman natin kung taglay pa rin ni Willie ang karisma niya sa manonood sa pag-ere ng Wil To Win.