Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang gaganaping 2024 Shakey’s Super League National Invitationals sa isinagawang pulong balitaan sa Shakey’s Malate, Maynila.

Kasama sa pulong sina (mula sa kaliwa) Patricia Hizon ng 12 Beyond Media Co.; Dr. Philip Juico, Athletics Events and Sports Management Inc. (ACES) Chairman; Jorge Concepcion, SPAVI COO; at Bajjie Del Rosario, Smart Sports Manager.

Kasama rin ang mga team captain ng bawat koponan na kalahok sa torneo na may 12 paaralan ang kalahok.

Kabilang sa Pool A  ang National University, Enderun Colleges, Xavier University – Northern Mindanao Selection; Pool B – University of Sto. Tomas, University of Batangas, Team SOCSARGEN; Pool C – Far Eastern University, Lyceum University of the Philippines, University of Southern Philippines Foundation; Pool D – College of St. Benilde, Colegio de San Juan de Letran, at University of San Carlos.

Magsisimula ang torneo ngayong Miyerkoles, 10 Hulyo hanggang 17 Hulyo na gaganapin sa Ninoy Aquino Stadium sa loob ng Rizal Memorial Sports Complex (RMSC) sa Malate, Maynila. (HENRY TALAN VARGAS)