Sa Pasay City
P4.5-M ILEGAL NA DROGA SA ABANDONADONG PARCEL NASABAT SA WAREHOUSE

MAHIGIT P4.5 milyong halaga ng ilegal na droga ang nasabat ng Bureau of Customs at Philippine Drug Enforcement Agency –Inter-Agency Drug Interdiction Task Group (PDEA-IADITG) sa Ninoy Aquino International Airport (NAIA) sa isang warehouse sa Central Mail Exchange Center (CMEC) sa Pasay mula sa walong abandonadong parcel mula California at Canada.

Ang mga naturang parcel ay nagmula sa iba’t ibang sender sa California na naka-consign sa iba’t ibang indibidwal na nakatira sa Metro Manila, Cavite, at San Pedro, Laguna.

Pito sa walong parcel ay naglalaman ng cartridge cannabis oil na idineklarang Pokemon cards NBA cards, trading cards, at jewelry na nagkakahalaga ng aabot sa higit P20,160.

Habang ang pang-walong parcel ay idineklarang GIUFT kung saan nakalagay ang 3,232 grams na marijuana o kush na may standard drug price na aabot sa P4,524,800,00 ang halaga.

Nagpapatuloy ang imbestigasyon ng mga awtoridad kung sin0-sino ang mga sangkot sa tangkang pagpupuslit ng ilegal na droga papasok sa bansa.

(NIÑO ACLAN)