Heaven kilig sa love language ni Marco: nilinis nadumihang paa

I-FLEX
ni Jun Nardo

WHAT you see is what you get! ‘Yan ang paulit-ulit na sagot ni Marco Gallo kung in a relationship na sila ni Heaven Peralejo.

Muling humarap sa media ang MarVen tandem para sa Viva movie nilang Men Are From QC, Women Are From Alabang.

Base sa best-selling book of the same name ni Stanley Chi ang ginawang movie sa couple na mula sa QC at Alabang.

Para kay Marco, hindi raw sagabal ang distance para sa dalawang nagmamahalan. Sa totoo lang, gumagastos siya ng almost P30K a month sa Grab para mapuntahan si Heaven.

Ayon naman kay Heaven, gusto niya ang love language sa kanya ni Marco at ito ay ang pagsilbihan siya.

“Eh minsan, sa shooting namin, nadumihan ang paa ko. Ang ginawa ni Marco, nilinis niya ang paa ko para maisuot ang slippers na gamit niya. Ganoon ang love language niya sa akin,” sambit ni Heaven sa mediacon.

Matapos ang ginawa ng MarVen na Rain In Espana at The Ship Show, muling kiligin sa bagong movie nina Marco at Heaven na mapapanood sa May 1 sa sinehan.