Thursday , August 14 2025
Magno Rosaupan Chess Richard Dela Cruz Rainier Pascual
NANALO si National Master Carlo Magno Rosaupan (gitna) sa 4th Noypi Chess Training Tournament-1850 pababa noong Linggo, Enero 28, 2024, sa SM Center Sangandaan, Caloocan City. Nasa larawan din sina (mula kaliwa) Tournament Director at Chief Arbiter NA Richard Dela Cruz at Deputy Chief Arbiter NA Rainier Pascual pagkatapos ng awarding ceremony

NM Rosaupan kampeon sa 4th Noypi chess tilt

CALOOCAN CITY—Nagkampeon si National Master (NM) Carlo Magno Rosaupan ang katatapos na 4th Noypi Chess Training Tournament-1850 pababa noong Linggo, Enero 28, 2024, sa SM Center Sangandaan, Caloocan City.

Ibinulsa ni NM Rosaupan, na naglalaro para sa Cavite Spartans sa Professional Chess Association of the Philippines (PCAP), ang P5,000 pitaka at ang medalya para sa paghahari sa torneo na nasilayan ang 75 woodpushers.

Nagkaroon siya ng halos perpektong kampanya matapos magtala ng 6.5 puntos sa seven-round Swiss system competition.

Tinalo niya sina Jian Cedrick Bautista sa first round, Emiliano Colindres sa second round,  Edwin Aguilar sa fourth round, Emil Chua sa fifth round, Marlou Guatno sa sixth round at Randy Turreda sa seventh at final round.

Naputol niya ang kanyang second-match winning streak nang magkaroon siya ng draw laban kontra kay engr. Ernie Faeldonia sa ikatlong round.

“I am so very happy for winning the 4th Noypi FIDE Rated 1850 and below Chess Tournament, which was held in SM Center Sangandaan, Caloocan City,” sabi ng 44 years old Rosaupan nitog Martes na may Rango na Ssg sa Philippine Army at ang Unit assignment ay SSC, HHSG, PA.

Si Harris De Guia ay pumangalawa sa kabuuan na may 6.0 puntos.

Ang second place finish ni De Guia ay nakakuha siya ng P2,500 at isang medalya, habang ang ikatlong pwesto ay napunta kay Jaime Criste na may katulad na 6.0 points para makakuha ng P1,500 at isang medalya.

Ang pang-apat hanggang 10th placers ay sina John Lee Antonio (5.5 ), Jonathan Reyes (5.5), Randy Turreda (5.5), engr. Ernie Faeldonia (5.5), Clefzon Limpo (5.0),  Joshua Roque (5.0) at Jerick Faeldonia (5.0).

Sinabi ng organizer ng torneo na si National Arbiter (NA) Richard Dela Cruz na ito ang kanilang ika-apat na pagkakataon na mag-host ng Noypi chess tilt na nagtatampok ng mga pro at amateur woodpushers, na sinuportahan nina National Chess Federation of the Philippines (NCFP) Chairman at President Rep. Prospero “Butch” Pichay Jr. at Novelty Chess Club top honcho Sonsea Agonoy. (MARLON BERNARDINO)

Krystall Herbal Products and FGO Branches

About Marlon Bernardino

Check Also

Vinny Marcos Patrick Gregorio Tats Suzara

Paghahanda para sa FIVB MWCH, Mas Pinaigting sa Huling Buwan

EKSAKTONG 32 araw ang nalalabi at puspusan na ang paghahanda para sa solo hosting ng …

Gymnastics

FIG technical group bibisita para suriin mga hotel at entablado na pagdarausan ng 3rd World Junior Gymnastics Meet

DARATING bukas, Miyerkoles, ang mga nangungunang opisyal ng International Gymnastics Federation (FIG) upang inspeksiyonin ang …

Tristan Jared Cervero

Tristan Jared Cervero wagi sa paligsahang Xiangqi sa PH

NAGWAGI Si Tristan Jared Cervero sa Group B o kategoryang All Filipino sa 19th Thousand …

Ivan Travis Cu Chess

FM Ivan Travis Cu, nanguna sa Blitz sa 9th Eastern Youth Chess Champs

IPINAMALAS ng sumisikat na Filipino chess star na si FIDE Master (FM) Ivan Travis Cu …

V League

V-League Collegiate Challenge ngayong Sabado na

Ynares Sports Arena, Pasig 10 a.m. – NU vs Arellano (Men) 12 p.m. – UST …